Яңы спорт майҙансығы төҙөлә

Майҙансыҡ 8-се мәктәпте реконструкциялауҙың икенсе этабы сиктәрендә төҙөлә, ул мәктәп һәм "Ровесник" үҫмерҙәр клубы араһында урынлашҡан. Унда теннис, волейбол, баскетбол һәм футбол майҙансыҡтары, спорт снарядтары, шулай уҡ оҙонлоҡҡа һикереү буйынса нормативтарҙы тапшырыу зонаһы һәм йүгереү юлдары буласаҡ.

Балаларҙың хәүефһеҙлеген тәьмин итеү өсөн майҙансыҡ тирәләй ҡойма һәм видеокүҙәтеү ҡоролмаһы ҡуйылған. Был майҙансыҡ мәктәп уҡыусылары өсөн генә түгел, ә биҫтәлә йәшәүселәргә спорт менән шөғөлләнеү өсөн шәп урын буласаҡ.

Эштәрҙе быйыл тамамлау планлаштырыла. Төҙөлөштө "Геострой" яуаплылығы сикләнгән йәмғиәте алып бара.