2,5 миллионға яҡын кешегә гриптан прививка яһау планлаштырыла

Республиканың Роспотребнадзор идаралығынан хәбәр итеүҙәренсә, рәсми рәүештә прививка яһау кампанияһы башланды.

Медицина ойошмаларына грипҡа ҡаршы вакциналарҙың тәүге партиялары — «Совигрипп», «Флю-М», «Ультрикс Квадри» килтерелде, тип өҫтәнеләр ведомствола.

Табиптар әйтеүенсә, грипҡа ҡаршы вакцинация – был сирҙе иҫкәртеүҙең иң һөҙөмтәле алымы, гриптың ауыр эҙемтәләренән һаҡлай, дауахананан тыш пневмония хәүефен кәметә һәм иммун системаһына һаҡлағыс антитәнсәләр эшкәртеп сығарырға ярҙам итә. Прививка яһатыу өсөн иң ҡулайлы ваҡыт – сентябрь-ноябрь айҙары.