Ашҡындырып күңелдәрҙе үҙенә тарта тыуған яҡ...

Ғәжәп ер ул атайсал... Ожмахҡа тиң сит тарафта падишаһтай торғаны ла, дан-шөһрәттәр ҡаҙанып, донъяға танылғаны ла күңеле түрендә ошо изге мәҡамды йөрөтә. Эйе, күпме ғүмер уҙһа ла, йәнде тартып, йөрәкһетеп, үҙенә саҡыра тыуған яҡ. Зат-зәүерҙе барлар, атай нигеҙенең йылыһын тойор, кендек ҡаны тамған ерҙең һыуын татыр өсөн Айыс ауылына ла, ана, ниғорло нәҫел-нәсәп йыйылды! Ҡан-ҡәрҙәштәрҙе, ауылдаштарҙы, тиҫтерҙәрҙе осраштырған мәртәбәле сара - “Һаумыһығыҙ, ауылдаштар” байрамы зар-интизар күңелдәрҙең бер аҙға булһа ла танһығын ҡандырҙы.

Шаулы донъянан йәшеренеп, тау-урмандар ҡамауында тын ғына ятҡан ауылда иртә таңдан ғәҙәти булмаған йәнлелек... Төндә яуып уҙған боҙ-борсаҡ та, иҙгеләнгән юлдар ҙа, күккә эленгән ҡурғаш-болоттар ҙа байрам кәйефенә бер ни түгел: ҡапҡа-кәртәләрҙә - сағыу биҙәк, ҡаҙандарҙа - тәмле ҡалъя, өй һайын - татлы осрашыу минуттары. Йорт-ҡураның төҙөклөгөн, баҡсаларҙың күркәмлеген, хужаларҙың оҫталығын, ҡунаҡсыллығын нарыҡлап, өй беренсә йөрөгән баһалама комиссияһын да иң элек халҡыбыҙға хас ихласлыҡ, алсаҡлыҡ һоҡландырҙы...

Махсус яҙыулы, нағышлы аҡ футболкаларҙа, милли костюмдарҙа йыр-моң, дәртле бейеүҙәр менән ҡаршы алды ҡунаҡтарҙы Ағзамовтар. Милли тәғәмдәрҙән һығылып торған өҫтәл, баҡса рәшәткәһенә эленгән ҡорама юрған-түшәктәр, сағыу һөлгө-селтәрҙәр, бәйләнгән уйынсыҡтар был нәҫел ҡатын-ҡыҙҙарының ни ҡәҙәрем оҫолло, уңған булыуҙары хаҡында һөйләй.

- Беҙ ауылда иң ҙур ғаиләләрҙең береһе. Әсәйебеҙ 17 балаға ғүмер биргән, шуларҙың 13-ө имен-һау буй еткергән...

Мәҡәләне тулы килеш гәзиттең 26-сы һанында уҡырға мөмкин.

Автор:Нэркэс Сулейманова

Читайте нас:

Новости партнеров

Лена ханым: "Улымды онотмайҙар"

На уровне молекул

Салкын тигәндә мунча керергә ярыймы?

Телефон

Телефон редакции:8(34792) 3-06-69 (редактор), 8(34792) 3-14-89 (корреспонденты)

Электрон почта

[email protected]