Йортҡа, нигеҙгә доға ҡылып теләк теләү!

Әй, рәхимле, шәфҡәтле Раббым, ерҙәр ҙә дә, күктәр ҙә Һинең әмереңә бойһона! Бөтөн һөйөнөстәр һәм хәсрәттәр Һинең ҡулыңда! Әй, Раббым, теләгән бәндәләреңә һәм теләгән ерҙәргә Һин бәрәкәттәр иңдерәһең! Теләһәң, ул бәрәкәттәрҙе ала ла алаһың. Әй, Раббым, ошо нигеҙҙәргә бәрәкәтеңде, рәхмәтеңде, нурыңды һәм изге фәрештәләреңде индер. Ошо нигеҙҙә йәшәүсе бәндәләреңдең тәндәренә — сихәт, йәндәренә — тыныслыҡ, күңелдәренә хидәйәт нурын индер һәм араларына өлфәт мәхәббәттәр насип ит. Әй, Хафиз булған Аллаһ, уларҙың нигеҙҙәрен һәм үҙҙәрен күҙҙәр күрә алған һәм күрә алмаған бөтөн насарлыҡтарҙан һаҡла! Бигерәк тә ут бәләләренән, һыу баҫыуҙарҙан, ел-дауылдарҙан, ҡараҡтарҙың насар эштәренән һакла! Ошо нигеҙҙәрендә һөйөнөп, шатланып, киң ризыктар мелән ризыҡланып оҙон ғүмерҙәр йәшәүҙәрен насип ит!

ФОТО: https://kartinkof.club/positiv/pyatnica/6968-kartinki-pjatnicy-koran-46-foto.html