Үҙ ғүмереңде ҡыйыу һуңғы сара булмаһын

Асыҡланыуынса, фажиғә алдынан ул әсәһе менән әрепләшкән. Икәү аралағы конфликтҡа олимпидалағы насар күрһәткес сәбәп булған. Шул уҡ йортта йәшәгән 13 йәшлек уҡыусының да декабрь башында 16-сы ҡаттың тәҙрәһенән һикереп һәләк булыуына мәктәптә алған насар билдәләр “ғәйепле”... Ә 2021 йылдың Яңы йыл байрамдарында Учалы районында 15 йәшлек ҡыҙҙың үҙ ғүмерен ҡыйыуына нимә сәбәп булды икән?!

Статистик мәғлүмәттәргә килгәндә, Башҡортостанда 2020 йылда 19 бала үҙ-үҙенә ҡул һалған. 2019-ҙа был күрһәткес юғарыраҡ - 31 суицид осрағы теркәлгән. Әле тормошҡа ныҡлап аяҡ баҫырға ла өлгөрмәгән балалар ниңә бара һуң бындай аҙымға?

Башҡортостандың тәфтиш комитеты билдәләүенсә, суицидты йышыраҡ 15-17 йәшлек үҫмерҙәр ҡыла. Йәнә, ҡыҙҙар үҙ-үҙҙәренә ҡул һалыу тураһында 3 тапҡырға йышыраҡ уйлаһа, егеттәр был ҡурҡыныс ниәтте күберәк тормошҡа ашыра. Бындай фажиғәләр, нигеҙҙә, халыҡ аҙ йәшәгән, инфраструктура үҫешмәгән ауыл-ҡалаларҙа йыш осрай.

Эксперттар күҙәтеүенә нигеҙләнеп, шуны әйтергә мөмкин: атай-әсәйҙең балаға ҡарата илтифатһыҙ мөнәсәбәте, уның тормошо, ҡараштары менән ҡыҙыҡһынмауы, шул уҡ мәлдә йән киҫәген кәрәгенән артыҡ ҡурсалау, әҙ генә үҙаллылыҡтан да мәхрүм итеү, яуапһыҙ мөхәббәт, атай-әсәй, уҡытыусылар, дуҫ-иштәр менән бәхәсле хәлдәр, дәрестә алған насар билдәләр тиҙ бирешеүсән йәш психиканы ҡотолғоһоҙ эҙемтәләргә этәреүе ихтимал. Компьютер уйындары менән үтә мауығыу, уҡыуҙан тыш бер ниндәй шөғөлгә күңел һалмау, ғаиләләге ыҙғыш-талаштар, үҫмер ҡыҙҙың ауырға ҡалыуы ла сараһыҙлыҡтың сиге булыуы мөмкин...

Материалды тулыһынса гәзиттең 22 ғинуар (№7) һанында уҡырға мөмкин.

Фото: ruroditel.ru