Тимер юлында һаҡ бул!

Тимер юлы - иң хәүефле территорияларҙың береһе. Үкенескә ҡаршы, хаҡһыҙлыҡ, ахмаҡлыҡ йәки ябай ғына ҡағиҙәләрҙе белмәү кеше ғүмерен хәүеф-хәтәр аҫтына ҡуя.“Рәсәй тимер юлдары” асыҡ акционерҙар ойошмаһы тарафынан тимер юл транспорты инфраструктураһы объекттарында граждандарҙың хәүефһеҙлеген тәьмин итеү йәһәтенән комплекслы сараларҙың даими уҙғарылыуына ҡарамаҫтан, кешеләрҙең йәрәхәтләнеүе кәмемәй.Үткән йыл менән сағыштырғанда, 2020 йылдың һуңғы биш айында Куйбышев тимер юлында производствоға бәйле булмаған имгәнеүҙәр осрағы ҡырҡа артҡан. Граждандарҙың йәрәхәтләнеүенең 29 осрағы теркәлгән, һѳҙѳмтәлә 30 кеше зыян күргән, шуларҙың 18-е үлем менән тамамланған.

Йәрәхәтләнеүҙең тѳп сәбәбе - яҡынлашып килгән поезд алдынан тимер юлы буйлап йѳрѳү - быйыл 2 кеше йәйәүлеләр ѳсѳн түшәп һалынған юлда имгәнгән.

Тимер юлы объекттарында иҫерек килеш булыу ҙа ѳҫтәмә хәүеф факторы - 5 ай эсендә 8 кеше эскән хәлдә теркәлгән; 3 кеше үҙ-үҙенә ҡул һалған.

Район-ҡала граждандары араһында Инйәр станцияһы хеҙмәтләндергән тимер юлында йыл башынан 1 кеше йәрәхәт алған.

Тимер юлында хәүефһеҙлек ҡағиҙәләре:

► Тимер юлын йәйәүлеләр йә водителдәр ѳсѳн тәғәйенләнгән махсус урындарҙа ғына аша сығыу зарур. Техник саралар йә тимер юлы транспорты эшсеһе биргән сигналдарҙы иғтибарһыҙ ҡалдырырға ярамай;

► инвалид коляскаһында хәрәкәт иткәндәр тимер юлын тик йәйәүлеләр ѳсѳн тәғәйенләнгән урындан һәм мотлаҡ кемдеңдер оҙатыуында ғына аша сығырға тейеш;

► вагонға ултыртыу һәм тѳшѳрѳү пассажир платформаһы яғынан ғына тормошҡа ашырыла;

► тимер юлы станцияһында балаларҙы күҙ уңынан ысҡындырмағыҙ - етәкләгеҙ йә күтәреп тороғоҙ;

► тимер юлын йәйәүлеләр ѳсѳн түшәп һалынған юл аша сыҡҡан саҡта башта яҡынлашып килгән поездың, локомотив йә вагондарҙың юҡлығына инаныу фарыз;

► тимер юлды шлагбаум асыҡ булғанда ғына аша үтергә мѳмкин, ә күтәрмә кәртә булмаған осраҡта ян- яғығыҙҙы байҡарға онотмағыҙ.

Ярамай:

► тимер юлы буйлап йѳрѳү;

► яҡынлашып килгән поезд алдынан йүгереп сығыу;

► бер йүнәлештә үтеп киткән поезд артынан, ҡапма-ҡаршы поездың юҡлығына инанмайынса, ҡапыл йүгереп сығыу;

► тимер юлын ябыҡ шлагбаум йәки светофорҙың ҡыҙыл утына үтеү;

► торған тимер юл транспорты аҫтынан аша сығыу;

► пассажир платформаһының ситендәге сикләүсе һыҙыҡты һанламау;

► пассажир платформаһы буйлап килеүсе йәки ҡуҙғалып китеүсе поезд менән йәнәш йүгереү;

► хәрәкәт талап иткән уйындар уйнау, балаларҙы ҡарауһыҙ ҡалдырыу;

► пассажирҙар платформаһынан тимер юлына һикереү;

► бәйләнеш, электр тапшырыу һәм башҡа ҡоролмаларға менеү, сымдарға тотоноу;

► ѳҙѳлгән сымға яҡын барыу, ҡағылыу;

► спиртлы эсемлектәр, аңды томалаусы наркотик матдәләр ҡулланыу;

► тимер юл транспорты инфраструктураһы объекттарын емереү;

► тимер юлы билдәләрен, күрһәткестәрен боҙоу, бысратыу, ысҡындырыу, үҙаллы ҡуйыу;

► тимер юлында әйбер ҡалдырыу;

► осло, ҡаты предметтарҙы ҡапһыҙ йѳрѳтѳү;

► үҙең менән тиҙ ҡабыныусан, ағыулаусы, шартлаусы матдәләр алып йѳрѳү;

► хәрәкәт итеүсе вагондарға яҡын барыу;

► баҫҡыста, автомат ишектәр янында тотҡарланыу, вагон тәҙрәләренән, тамбур ишектәренән һонолоу.

Олег СМИРНОВ,

Белорет тимер юл дистанцияһы начальнигы.

Фото: molzhaninovskiy.mos.ru

Читайте нас:

Новости партнеров

1 ғинуарҙа саҡ үлемдән ҡалған

На уровне молекул

“Ана капиталы” акчасы калган иде

Телефон

Телефон редакции:8(34792) 3-06-69 (редактор), 8(34792) 3-14-89 (корреспонденты)

Электрон почта

[email protected]

Адресы

Республика Башкортостан, город Белорецк, ул. 50 лет Октября, 55/1

Реклама хеҙмәте

8(34792) 3-0-29

Редакция

8 (34792) 3-06-69

Хеҙмәттәшлек

8 (34792) 3-14-89

Кадрҙар бүлеге

8(34792)3-06-29