Бәшмәкте маринадлау

Бәшмәкте төрөнә ҡарап бешерәләр. Аҡ бәшмәк, майлы бәшмәк, уҫаҡ, ҡайын, көләпә бәшмәктәре кәмендә 20 минут бешерелә. Баллы бәшмәккә әҙер булыу өсөн 25 минут талап ителә. Һары бәшмәктәрҙе маринадлар алдынан 1 процент тоҙло һыуҙа бешереп, һыуын түгеп, ҡайтанан 3-4 процент тоҙло һыуҙа ҡайнаталар.
Бешергә 3-5 минут ҡалғас, тәмләткестәр өҫтәйҙәр, ә инде бешкәс, алдан әҙерләнгән аш һеркәһе өҫтәлә. Бәшмәктәр тулыһынса кәстрүлдең төбөнә төшөп бөтөп, тоҙло һыуҙың күбеге күренмәй башлағас, әҙер тип һанала.