Ҡара миләштең файҙаһы

Ҡара миләштең дауалау үҙенсәлектәре байтаҡ. Мәҫәлән, уның составында капиллярҙарҙы нығытыусы Р витамины ҡара ҡарағаттыҡына ҡарағанда 2 тапҡыр күберәк. Шуға ла әлеге витаминды эшләп сығарғанда, ҡара миләште төп сеймал итеп алалар. Уның емештәрендә йод та күп. Дауалау маҡсатынан уны витамин етмәгәндә, бөйөрҙә таш булғанда, гипертония, цистит ваҡытында ҡулланалар. Бешкән ҡара миләш ҡан ағыуҙы туҡтата, эсте йомшартыу, һейҙек ҡыуыу үҙенсәлегенә эйә. Ә кипкән емеште дизентерия ваҡытында ҡулланырға кәңәш итәләр.

Халыҡ медицинаһында ҡара миләш

Гипертоник ауырыуҙы һәм атеросклерозды дауалау өсөн 1 кг ҡара миләште 700 г шәкәр ҡомо ҡушып иҙергә. Көнөнә 2 тапҡыр 75-100-әр г ашарға кәрәк.

Геморрой ваҡытында бер үк күләмдә алынған ҡара миләш менән балды ҡайнаталар һәм көнөнә 3 тапҡыр ашарға 30 минут ҡала 100-әр гашайҙар.

Витамин етмәгән осорҙа 1 сәй ҡалағы кипкән миләшкә 400 мл ҡайнар һыу ҡойоп, 4 сәғәт төнәтергә һәм көнөнә 2-4 тапҡыр 1-әр стакан эсергә.

Организм арығанда, аҙҡанлылыҡ булғанда һәм һейҙек ҡыуыу өсөн 2 сәй ҡалағы кипкән миләшкә 400 мл ҡайнар һыу ҡойоп,1 сәғәт төнәтергә һәм бер аҙ шәкәр ҡомо өҫтәргә. Төнәтмәне көн дауамында 3-4-кә бүлеп эсергә.

Эс киткәндә 1 аш ҡалағы кипкән миләшкә 1 стакан ҡайнар һыу ҡойоп, 30-40 минут төнәтергә һәм көнөнә 3-4 тапҡыр яртышар стакан эсергә. Эс китеү, дизентерия, ашҡаҙан, эсәктәр ауыртҡанда, гипертония ваҡытында көнөнә 3 тапҡыр ашарға 30 минут ҡала 100 мл яңы һығылған ҡара миләш һуты эсергә.

Йыл дауамында ҡара миләш, гөлйемеш һәм ҡара ҡарағат сәйе эсергә кәрәк. Дауалаусы сәй өсөн 1 аш ҡалағы ҡушылмаға 1 стакан ҡайнар һыу ҡойорға. Тик был сәйҙе 15-20 минут ҡына түгел, 4-5 сәғәт бешерергә кәрәк. Көнөнә 3-4стакан сәй эсергә.Ҡара миләште гастрит, ашҡаҙан һәм бөйән йәрәхәте ваҡытында 3 аҙнанан артыҡ ҡулланырга ярамай.

Баҡсала ҡара миләш үҫтереү

Баҡсасыларға ҡара миләш ултыртҡанда, уның яҡтылыҡ яратҡанын иҫәпкә алырға кәрәк. Ҡараңғылыҡта үҫкән ҡыуаҡтың уңышы 3-4 тапҡырға насар була. Уны үҫтергәндә ҡыуаҡтың йәш ботаҡтар сығарыуына ла иғтибар итергә кәрәк. Әгәр йәш ботаҡтарын гел киҫеп тормаһаң, тышҡылары уңыш бирәсәк, ә эстә, ҡараңғыла ҡалғандары ҡороясаҡ. Ҡара миләш һыуҙы бик ярата. Бигерәк тә емештәре өлгөргән осорҙа һыу етмәһә, емештәре ыуаҡ, бер аҙ кипкән һәм ауыҙҙы ҡороштора торған булып етешә.

Читайте нас:

Новости партнеров

1 ғинуарҙа саҡ үлемдән ҡалған

На уровне молекул

“Ана капиталы” акчасы калган иде

Телефон

Телефон редакции:8(34792) 3-06-69 (редактор), 8(34792) 3-14-89 (корреспонденты)

Электрон почта

[email protected]

Адресы

Республика Башкортостан, город Белорецк, ул. 50 лет Октября, 55/1

Реклама хеҙмәте