Эремсектән йомороҡайҙар

Кәрәк:
200 гр эремсек, 200 гр он, 70 гр шәкәр (3 аш ҡалағы), 2 йомортҡа, ҡамыр ҡабартҡыс (разрыхлитель), семтем тоҙ, 300 гр көнбағыш майы.
Һауытҡа эремсек, йомортҡа, шәкәр, тоҙ, он һалып ныҡ ҡына туҡыйбыҙ. Мин ҡоро ауыл эремсеген алдым. Ҡамыр әҙерләгәс, табаға көнбағыш майы ағыҙабыҙ. Май ҡайнап сыҡҡас, ҙур булмаған йомороҡайҙар әҙерләп табаға һалабыҙ.
Алһыу булып бешеп сыҡҡас, майҙан алып, тәрилкәгә теҙеп һалырға. Өҫтөнә шәкәр пудраһы һипһәгеҙ ҙә була.