Кәзә һөтө шифалы

► Һөйәк һынғандан һуң, кәзә һөтө һөйәк туҡымаларының тиҙерәк ялғаныуына булыша. Кәзә һөтөндә тимер һыйыр һөтөнә ҡарағанда
1,5 тапҡыр күберәк.

► Кәзә һөтө өс тапҡыр еңелерәк үҙләштерелә.

► Аллергиянан интегеүселәр кәзә һөтөн ҡурҡмай эсә ала. Унда аллергия килтереп сығарыусы альфа-1s-казеин матдәһе юҡ.

► Кәзә һөтөндә лактоза һыйырҙыҡынан 13 процентҡа кәмерәк. Шуға күрә уны лактозаны ҡабул итә алмаусылар ҙа эсә ала.

► Кәзә һөтөндәге аҡһымды организм тулыһынса үҙләштерә.

► Кәзә һөтө ашҡаҙан һуты кислоталылығын нейтралләштерә.

► Кәзә һөтө ашҡаҙаны, бөйән йәрәхәте киҫкенләшкәндә файҙалы.

► Псориаз борсоғанда, кәзә һөтөн талғын утта 2-5 минут ҡайнаталар. Унан икенсе һауытҡа бушаталар. Кәстрүл ҡырыйҙарына йәбешеп ҡалған шекәрәне зарарланған урындарға һөртәләр.

► Кәзә һөтөндә йөрәк ритмын яйға һалырға ярҙам итеүсе калий күп.