Иғтибар үҙәгендә - ололар!

Ул 1 майҙан алып 1 декабргә тиклем дауам итә. Быйыл һеҙҙең ҡарамаҡҡа түбәндәге темалар тәҡдим ителә:

* “Һаулыҡ һуҡмағы”. 2021 йыл Башҡортостанда Сәләмәтлек һәм әүҙем ғүмерлелек йылы тип иғлан ителде. Һеҙҙән урманда, урамда йѳрѳгән, спорт менән шѳғѳлләнгән, һыуҙа йѳҙгән йәки тауға менгән, ҡыҫҡаһы, үҙегеҙҙе йәш һәм дәртле итеп тойған минуттарҙы сағылдырған фотоэштәрегеҙҙе, яҙмаларығыҙҙы кѳтәбеҙ.

* “Тарихҡа бәйле яратҡан фотоһүрәтем”. Ҡай саҡ бер фотоһүрәт тә ҡыҙыҡлы нәмәләр тураһында һѳйләй ала!

* “Минең ҡәҙерле ҡарттарым”. Донъя мәшәҡәте менән беҙ йыш ҡына олатай-ѳләсәйҙәребеҙ, атай-әсәйҙәребеҙҙең ниндәй бай тормош тәжрибәһенә эйә булыуҙарын онотоп китәбеҙ. Уларҙан һорашып тыңлау, ә ҡайһы ваҡыт күҙҙәренә ҡарау ҙа етә. Ҡәҙерле кешеләребеҙҙе нимә ѳсѳн яратҡаныбыҙҙы иҫкә тѳшѳрѳргә, шулай ҙа иң яҡшыһы - барып күрергә саҡырабыҙ. Һәм, әлбиттә, улар тураһында яҙып, күрһәтеп, конкурста ҡатнашырға ѳндәйбеҙ.

* “Аҡ халатлы кешеләр”. Табиптар һәм медицина хеҙмәткәрҙәре - хәҙерге заман геройҙары. Уларҙың оло быуын кешеләренә ярҙамы баһалап бѳткѳһѳҙ. Һеҙҙе дауалаған, ҡотҡарған, һаулығығыҙҙы һәм ғүмерегеҙҙе һаҡлап алып ҡалған аҡ халатлы кешеләр хаҡында, ул ауыр ваҡыттарҙы нисек кисереүегеҙ тураһында яҙмаларығыҙҙы, фотоэштәрегеҙҙе кѳтәбеҙ.

Яҙма эштәр “Урал”, “Белорецкий рабочий”, “Металлург” гәзиттәре мѳхәрририәтендә, Пенсия фонды идаралығында ҡабул ителә. Фотоэштәрҙе районҡала Пенсия фондына (Киров урамы, 48, 16-сы кабинет) тапшырырға мѳмкин. Электрон почта: [email protected]; тел.: 3-42-15.