-10 °С
Болотло
Антитеррор
Бөтә яңылыҡтар
Дөйөм мәҡәләләр
10 Ғинуар , 16:07

Яңы йылға оло бүләк

Асы ауылында ҡыуаныслы ваҡиға булды - урындағы башланғыстарҙы яҡлау программаһына ярашлы, спорт һəм балалар майҙансығы асылды. Яңы йылға ауылдаштарына бүлəк итеп шәхси эшҡыуар Динис Казбек улы Ғәлиев хоккей ҡумтаһы төҙөнө.

Яңы йылға оло бүләк

Алтынсы ғинуар ауылыбыҙҙа быймала хоккей турниры уҙҙы. Турнирҙа Ташбесəн менəн Олойылға, Утар менəн Мөбəрəков урамдары ҡатнашты. Турнир бик ҡыҙыу, мауыҡтырғыс барҙы. Һөҙөмтəлə, Олойылға урамы I урынды яуланы. Утар урамының йыйылма командаһы - II, Ташбесəн һəм Мөбəрəков урамдары хоккейсылары - III урынға сыҡты.

Был ысын хоккей байрамы булды. Баһалама ағзалары ғəҙел баһа биреп, еңеүселəрҙе билдəлəне, Грамоталар һəм миҙалдар тапшырҙы. Һуңынан бергəлəшеп саф һауала  тəмле ризыҡтар менəн һыйланып, ауылыбыҙ ағинəйе Сəриə Бүлəкбай ҡыҙы Шəрəфетдинованың  самауыр сəйен эстек. Миңлеғəле ағай Иҡсановтың дəртле гармун  көйҙəре һыуыҡ ҡышқы иртəлə күңелдəргə яҙ йылыһы өлəште.

Һау-сəлəмəт булырға телəһəгеҙ, беҙҙең Асы ауылына килегеҙ! Ойоштороусыларға, ҡатнашыусыларға, көйəрмəндəргə һәм жюри ағзаларына рəхмəт белдерəбеҙ.

 Зəлиə Байегетова,

Асы ауылы.

Автор: