Мәктәп музейына сәйәхәт

Музей етәксеһе Шакир Таһиров уҡыусыларҙы музей тарихы, экспонаттар һәм уларҙың нисек, ҡайҙан йыйылыуы, ҡомартҡыларҙың һәр береһе тураһында ентекле мәғлүмәт бирҙе. Уҡыусыларға Шакир Ғөбәйтулла улының элекке ваҡытта фотоларҙың нисек баҫылыуы, фотопленка тураһында һөйләүе, боронғо фотоаппараттарҙы күрһәтеүе бик оҡшаны.

Әйтеп үтергә кәрәк, музейҙа уҡытыусылар коллективы, уҡыусылар, ата-әсәләр һәм ауыл халҡы тырышлығы менән бай тарихи-этнографик ҡомартҡы тупланған. Экскурсия барышында уҡыусылар бик күп файҙалы мәғлүмәт алды. Шакир Ғөбәйтулла улына мауыҡтырғыс экскурсия өсөн рәхмәтебеҙҙе белдерәбеҙ.

Гөлфиә ШӘЙХИТДИНОВА, китапханасы.