- Күңелһеҙ ваҡиғаларҙың бары тик ваҡытлыса булыуын һәм уларҙың ҡасандыр бөтөүен аңларға һәм ҡабул итергә;
- Артыҡ эмоцияларға бирелмәҫкә, килеп тыуған проблемаларҙан ҡасмай, тыныс ҡына хәл итә белергә;
- Бөтәһенә лә ярарға тырышыу кәрәкмәй. Һеҙ - шәхес, тимәк - индивидуаль;
- Инициатива күрһәтеүҙән ҡурҡмаҫҡа. Пассив күҙәтеүсе булып ҡалып уңышҡа ирешеү мөмкин түгел;
- Талапсанлыҡты инициатива менән бутамаҫҡа. Был осраҡта иң мөһиме - алтын урталыҡты табыу;
- Бөтә ерҙә лә өлгөрөү мөмкин түгел. Ҡайһы бер эштәрҙе һуңға күсереү ҡай саҡ күңел тыныслығына килтерә;
- Яҡшы антидепрессант ул - күтәренке кәйеф. Шуға ла көнөгөҙҙө йылмайыуҙан башлағыҙ;
- Эмоцияларығыҙҙы үҙегеҙҙә тотмағыҙ, уларға сығырға мөмкинлек бирегеҙ. Эстә ҡалғандары бары тик һаулыҡҡа зыян килтерә һәм күңел төшөнкөлөгөнә илтә;
- Үҙегеҙгә һәр саҡ яңы маҡсаттар ҡуйып, дәртләндереп тороғоҙ. Бөгөнгө көн менән генә йәшәү кәрәкмәй;
- Барыһына ла өлгөрөр өсөн ваҡытты алдан планлаштырыу зарур. Эшегеҙгә һәм ғаиләгеҙгә генә түгел, үҙегегеҙгә лә ваҡыт бүлергә;
- Һәр саҡ үҫеш юлында булырға, бары тик үҙ өҫтөңдә эшләү генә уңыштарға килтерә;
- Ижад итергә һәр ваҡыт ваҡыт табырға, был шөғөлгә етди ҡарарға;
- Уңышһыҙлыҡтарға негатив ҡарашта булыуҙан, һәр саҡ иҫкә алып тороуҙан туҡтарға;
- Иң төп ҡағиҙәләрҙең береһе, әлбиттә - үҙеңде яратырға, ҡәҙерләргә һәм мөмкин тиклем ҡыуандырып торорға.
Башҡортостан календарынан алынды.
Фото Интернеттан.