Ҡабаҡтан һут

Химик составы бай булыуға ҡарамаҫтан, компоненттар бер-береһе менән бик яҡшы баланслана, организмда еңел үҙләштерелә. Эсемлек иҫ киткес тәмле генә түгел, тышҡы ҡиәфәткә лә ыңғай йоғонто яһай, матдәләр алмашыныуын нормалләштерә, баҫымды кәметә. Ҡабаҡ һуты шулай уҡ йоҡоно яҡшырта һәм балаларға бик файҙалы.

Эсемлек өсөн уртаса ҙурлыҡтағы ҡабаҡты һайлау яҡшыраҡ, сөнки уның тәме сағыуыраҡ һәм ҡабығы нәҙек. Бынан тыш, йәшелсәлә боҙолған йомшаҡ урындар һәм ҡара таптар булырға тейеш түгел - был серек продукттың билдәһе.

Һут эшләү өсөн 3 кг ҡабаҡ, 500 г шәкәр, 2 л һыу, 2 сәй ҡалағы лимон кислотаһы кәрәк.

Ҡабаҡты тышынан һәм орлоғонан таҙартығыҙ, йыуығыҙ һәм уртаса ҙурлыҡтағы киҫәктәргә турағыҙ. Кәстрүл һәм һут һут һыҡҡыс йәки блендер әҙерләгеҙ. Һутты консервалау өсөн әҙерләгән банкаларҙы һәм ҡапҡастарҙы стерилләгеҙ.

Кәстрүлгә 2 литр һыуыҡ һыу ҡойоғоҙ,  унда туралған йәшелсәләрҙе һалығыҙ. Талғын утҡа ҡуйып, ҡайнағанын көтөгөҙ. Шунан һуң ҡабаҡты тағы 10 минут бешерегеҙ.

Әҙер булғас,  ҡабаҡты һут һыҡҡыс йәки блендер аша һыуы менән бергә үткәрегеҙ. Килеп сыҡҡан массаға шәкәр һәм лимон кислотаһы өҫтәгеҙ. Ҡабат утҡа ҡуйығыҙ, ҡайнағанын көтөгөҙ. Һутта барлыҡҡа килгән күбекте ваҡытында алып тороғоҙ. Күбектәр күренмәй башлаһа, һут әҙер була.

Һутты һыуытырға ҡалдырығыҙ. Әҙер ҡабаҡ эсемлеген стерилләнгән банкаларға ҡойоғоҙ, металл ҡапҡастар менән ныҡлап ябығыҙ. Банкаларҙы һаҡ ҡына әйләндерегеҙ, уларҙы таҫтамал менән ҡаплап, төнгә ҡалдырығыҙ.

Әҙер һутты һалҡын урында һаҡлағыҙ. Өҫтәлгә һыуытылған килеш, ҡайнар ризыҡтар, закускалар йәки салаттар менән ҡушып бирегеҙ.

Ашығыҙ тәмле булһын!