Магнит дауылы һөжүм итә

Уның дүшәмбе башында ғына тамамланыуы көтөлә, тип хәбәр итәләр "Фобос" һауа торошо үҙәгендә.

Рәсәй фәндәр академияһының Ҡояш астрономияһы лабораторияһы белгестәре билдәләүенсә, ул тиҙҙән планетабыҙға етди геомагнит тайпылыштар килтерәсәк. 3 октябрҙә юғары баллдың тоҡаныуы сәбәпле, геомагнит хәлдең насарайыуы көтөлмәй. Төндә һәм көндөҙ Ерҙең геомагнит фоны тыныс буласаҡ - 2 балл тирәһе. Алдағы тәүлектә магнит дауылдары ихтималлығы 5 процент тәшкил итә, көслө магнит дауылдары - 1 процент. Яҡтылыҡ әүҙемлеге индексы ҡырҡа шәмәхә кимәленә тиклем арта. Кисә Ҡояшта 10 ялҡын теркәлгән, уларҙың дүртәүһе М класына тиң һәм береһе Х юғары баллына еткән.

Магнит дауылдары кеше организмына кире йоғонто яһай. Хәүефле төркөмгә хроник ауырыуҙары булған, өлкән йәштәгеләр һәм сабыйҙар инә, был  көндәрҙә уларҙың баштары ауырта һәм сәләмәтлектәре менән бәйле башҡа проблемалар барлыҡҡа килергә мөмкин. Шуға күрә, магнит дауылдары ваҡытында туйғансы йоҡларға, артыҡ ауыр эш эшләмәҫкә кәрәк. Бынан тыш,  стрестан һаҡланырға, күберәк асыҡ һауала, тәбиғәттә йөрөгөҙ.