Ҡабаҡтан һут

Кәрәк: 4 кг ҡабаҡ, 0,5 кг шәкәр, 2 балҡалаҡ лимон кислотаһы.

Ҡабаҡты ҡабығынан таҙартырға ла, шәкәр шаҡмағынан ҙурыраҡ итеп шаҡмаҡлап турарға. Ҡабаҡты кәстрүлгә һалып, өҫтөнә сыҡҡансы һыу ҡойорға һәм 15-20 минут бешерергә.  Бешкән массаны блендер (йәки картуф төйгөс) менән иҙергә. Пюрегә шәкәр, лимон кислотаһы ҡушып, 10 минутлап ҡайнатырға һәм стерилләнгән банкаларға ҡойоп, ябып ҡуйырға. Баҙҙа яҡшы һаҡлана.

Һутығыҙ тәмле булһын!