Патриотик экускурсия

Ғибәҙәтхананың дини мәктәбе тәрбиәләнеүселәре ҙур энтузиазм менән полиция музейына барҙы, унда улар өсөн мауыҡтырғыс экскурсия ойошторолдо.

Музей етәксеһе балаларға  патриотик лекция үткәрҙе. Унда Белоретта милицияның барлыҡҡа килеү тарихы тураһында һөйләне, төрлө бүлексәләр һәм хеҙмәттәрҙең мөһим үҫеш этаптарын һәм эш үҙенсәлектәрен яҡтыртты. Белорет милиционерҙарының Бөйөк Ватан һуғышында ҡатнашыуына айырыуса иғтибар бүленде: балалар тәртип һаҡсыларының тыуған ҡалаһында хоҡуҡ тәртибен тәьмин итеүҙән тыш, ҡулдарына ҡорал алып, фронтта  Ватанды яҡлауы хаҡында белде.

Экскурсия район милицияһы тарихын сағылдырған уникаль экспонаттар һәм фотоһүрәттәрҙе ҡарау менән дауам итте. Балалар һирәк осраған әйберҙәрҙе ҡыҙыҡһынып ҡараны, экскурсоводтың һөйләгәндәрен иғтибар менән тыңлап, үҙҙәренең һорауҙарын бирҙе. Милиционерҙың аҡ йәйге кителе, милиция бүлеге начальнигының эш өҫтәле, канцелярия кәрәк-яраҡтары менән танышыу, шулай уҡ фуражкалар һәм пилоткаларҙы кейеп ҡарау мөмкинлеге айырыуса оҡшаны.

Экскурсия аҙағында улар иҫтәлеккә фотоға төштө. Бәләкәй ҡунаҡтар музей етәксеһенә йылы ҡабул итеүҙәре өсөн рәхмәт белдерҙе, үҙ иленең тарихы һәм мәҙәниәте менән танышыуҙы дауам итеү өсөн музейға тағын килергә вәғәҙә бирҙе.

Евгения Лисовская, район буйынса эске эштәр бүлеге хеҙмәткәре.