-8 °С
Ҡар
Антитеррор
Бөтә яңылыҡтар
Экология
18 Ғинуар 2019, 14:24

Сүп-сар түгеү күпмегә төшөр?

Күп фатирлы йорттарҙа, шәхси секторҙа йәшәгән республика халҡы, шулай уҡ юридик шәхестәр, эшҡыуарҙар 2019 йылдың ғинуарында ҡаты көнкүреш ҡалдыҡтарын сығарыу буйынса хеҙмәт күрһәткән төбәк операторҙары менән килешеү төҙөргә бурыслы. Был турала Тәбиғәттән файҙаланыу һәм экология министрлығы иҫкәртә.

Бындай килешеүҙәр төҙөүҙең кәрәклеге Рәсәй Федерацияһы Хөкүмәте тарафынан раҫланған ҡаты көнкүреш ҡалдыҡтарын сығарыу тәртибендә ҡаралған. Килешеү төҙөү тәртибе һәм формаһы бөгөнгө көндә республика территорияларын хеҙмәтләндереүсе төбәк операторҙарының рәсми сайтында урынлаштырылған. «Эко-Сити» төбәк операторы» яуаплылығы сикләнгән йәмғиәтенең (тел. 8(800)700-49-00, http://ecocityrb.ru/) хеҙмәтләндереү зонаһына - Күмертау, Салауат, Сибай, Стәрлетамаҡ ҡалалары, Әбйәлил, Ауырғазы, Баймаҡ, Белорет, Бөрйән, Ғафури, Ейәнсура, Стәрлебаш, Йылайыр, Ишембай, Күгәрсен, Көйөргәҙе, Мәләүез, Миәкә, Стәрлетамаҡ, Учалы, Федоровка, Хәйбулла райондары инә. Межгорье ябыҡ типтағы территориаль берәмек “Дюртюлимелиоводстрой” йәмғиәтенә ҡарай (тел. 8(800)511-84- 20, https://dmsrb.ru/). Хеҙмәтләндереү зонаһына, Межгорьенан тыш, 2 ҡала һәм 12 район инә. Сүп-сар йыйыу һәм сығарыуҙың яңы системаһына күсеүгә ҡағылышлы һорауҙарҙы БР Экология министрлығы һәм төбәк операторҙарҙың “ҡыҙыу” нөктәләренә 8(347)218-03-90 телефонына шылтыратып бирергә мөмкин.
Иҫегеҙгә төшөрәбеҙ, 2019 йылдың 1 ғинуарынан республика, бөтә ил кеүек, көнкүреш ҡалдыҡтарын сығарыуҙың яңы системаһына күсте. Хәҙер сүп-сарҙы йыйыу, транспортировкалау, эшкәртеү, утилләштереү, полигондарға күмеү менән төбәк операторҙары шөғөлләнәсәк, ә халыҡ билдәләнгән тариф буйынса был хеҙмәттәр өсөн түләргә бурыслы. Был эш, беренсе нәүбәттә, заманса, сүп-сар сығарыуҙа экологик яҡтан хәүефһеҙ система булдырыуға, санкцияланмаған сүплектәр, яңыларын булдырмау, шулай уҡ сүпсарҙы сорттарға бүлеү һәм эшкәртеүҙә үҫешкән инфраструктуралар асыуға йүнәлтелгән.