-14 °С
Ҡар
Антитеррор
Бөтә яңылыҡтар
Экология
28 Апрель 2020, 13:00

Өмә эшләр ваҡыт етте!

Һәр яҙ һайын, тораҡ пункттарҙың экологик торошон яҡшыртыу, урамдарҙы, юл ситтәрен һәм тәбиғәтте сүп-сарҙан арындырыу маҡсатында, экологик өмәләргә старт бирелә. Уҙған йомала ошо йәһәттән ҡалала “Таҙа Иҙел башы” көнө үтте.

Таҙалыҡ көнө сиктәрендә төрлө ойошма, учреждение, предприятие хеҙмәткәрҙәре үҙ биләмәләрен оҙон ҡыш буйы йыйылған сүп-сарҙан таҙартты, кипкән үләндәрҙе тырматып тоҡтарға тултырҙы.
Был көндө Белорет мәғлүмәт үҙәге бинаһы эргәһендә лә эштәр ҡайнаны. Һауа торошо үҙгәреп, әле ҡояш, әле ҡар яуыуына ҡарамаҫтан, ойошма хеҙмәткәрҙәре бар ихласлығын һалып, тилбер ҡулдарын эшкә екте. Тиҙ арала тирә-яҡ тәртипкә килтерелеп, таҙарып, күңелле төҫ алды.
Яҙ, бар тереклек уянған мәл булараҡ, һәр эштең башланғысы ла булып тора. Алдағы көндәрҙә лә экологик өмәләр дауам итһен. Таҙа ҡала, таҙа ауыл үҙебеҙ өсөн кәрәк бит.