Бөтә яңылыҡтар
Экология
13 Март 2021, 11:00

Ағастарҙы һирәкләү һәм яраларҙы дауалау

Яҙ башы баҡсалағы ағас-ҡыуаҡтарҙың торошон тикшереүҙән башлана. Март-апрель ағас-ҡыуаҡтарҙы санитар киҫеүҙәр өсөн иң отошло ай. Алдан уҡ бысҡы һәм бысаҡ, секатор, баҫҡыс һәм баҡса сайырын әҙерләп ҡуйығыҙ.

► Әгәр һауа температураһы 5 градустан түбән төшмәй башлаһа, киҫеү эштәренә тотонорға мөмкин тигән һүҙ. Ботаҡты ҡырҡҡас, иғтибар менән ҡарағыҙ: әгәр эсе ҡарайған икән - ботаҡ туңған һәм ағасҡа санитар киҫеү талап ителә тигән һүҙ.
► Туңған-зарарланған ерҙе киҫепалғандан һуң, шул урынды баҡса сайыры менән һыларға онотмағыҙ. Был һынған һәм ҡыуыш барлыҡҡа килгән урындарға ла ҡағыла, сөнки унда төрлө ауырыуҙар килеп сығырға мөмкин.
► Бының өсөн башта ҡыуыштың эсен таҙартырға, аҙаҡ 5 процентлы тимер йәки баҡыр купоросы менән эшкәртергә (бирсәткә кейергә онотмағыҙ) кәрәк.
► Тишектәрҙе цемент боламығы менән (1 өлөш цемент, 3 өлөш ҡом, 1 өлөш известь) һыларға кәңәш ителә. Бер аҙ әлиф ҡушырға мөмкин. Артыҡ
ҙур ҡыуыштар эсенә ваҡланған кирбес онтағы тултырырға кәрәк.
Читайте нас: