Орхидеяларға һарымһаҡ файҙалы

Банка йәки керамик һауытҡа 0,5 л ҡайнар һыу ағыҙып, 2 тырнаҡ һарымһаҡты ыуаҡлап йәки иҙеп һалығыҙ. 1 сәғәт ҡараңғы урында тотоғоҙ. Һыуынғас, һөҙөргә кәрәк. 1 л һыуға 3 аш ҡалағы һарымһаҡ һыуы өҫтәп, гөлдәргә һибегеҙ. Һарымһаҡ һыуын ике аҙнаға бер тапҡыр һибеү етә.
Төнәтмәгә 1 төймә гәрәбә кислотаһы (янтарная кислота) өҫтәргә лә мөмкин. Бындай ҡатнашманы 3 көндән артыҡ һаҡламайҙар.
Орхидея өсөн бүлмә температураһы 22-25 градус йылы булырға тейеш.
Гөл үтә күренмәле һауыт ярата. Дым артыҡ булған осраҡта, тамыры сереүе ихтимал.