Яңы китап сыҡты

«Урал» гәзитендә Хөснә Әхмәтйәнованың төрлө темаға яҙылған мәҡәләләре баҫылып тора. Редакция үткәргән сараларҙа, конкурстарҙа әүҙем ҡатнаша ул.
- Һуңғы йылдарҙа «Урал» гәзитендә баҫылып сыҡҡан мәҡәләләремде бер урынға туплап ҡуйыу теләге тынғы бирмәй ине.
Иншалла, хыялым тормошҡа ашты. «Иҫтәлек» тип атаным йыйынтығымды. Китабым балаларыма, туғандарыма, дуҫ-иштәремә бер бүләк булыр, - тип ҡыуанысы ме-нән уртаҡлашты Хөснә Мофассал ҡыҙы.
Авторҙы яңы китабы сығыу менән ихлас ҡотлайбыҙ һәм артабан да илһамланып, дәртләнеп ижад итеүен теләйбеҙ.