Ҡыш бабай ветерандарҙы ҡотланы

Байрамса хәрби музыкаль композиция менән Хәрби диңгеҙ флоты ветераны Виталий Грищенко сығыш  яһаны. Эске эштәр ғәскәрҙәре делегацияһынан ирле-ҡатынлы Марина һәм Сергей Куликовтар Ҡыш бабай менән Ҡарһылыу булып, ветерандарға ҡотлау һүҙҙәре менән Ветерандар советы һәм “Белорет эске эштәр ветерандары туғанлығы” йәмәғәт ойошмаһының запастағы яугирҙары Әлмират Ғилманов, Руслан Хәмиҙуллин, Сергей Куликов тарафынан әҙерләнгән Яңы йыл бүләктәрен тапшырҙылар. Был акцияға шулай уҡ запастағы моряктар һәм 13-сө мәктәптең уҡытыусылар коллективы ҡушылды. Ветерандар менән осрашыуҙар бик йылы һәм ҡыуаныслы шарттарҙа үтте.
Ветерандар Яңы йыл кәйефе өләшкәндәре өсөн рәхмәт һүҙҙәрен әйтеп, ҡыҙ һәм егеттәрҙе яҡынлашып килгән байрам менән ҡотлап, һөйөнөшөп ҡалдылар.

Үҙ хәбәрсе.

ҺҮРӘТТӘРҘӘ:ветерандарҙы бүләкләү тантанаһынан күренештәр.