Донъя йәме, терәге һин - гүзәл зат

Гүзәллек вә сафлыҡ, наҙ ипкененә сорналған байрам кисәһен тәбрикләп, муниципаль район хакимиәте башлығы Андрей Иванюта гүзәл заттарға иң изге теләктәрен, ҡотлау һүҙҙәрен еткерҙе. Үҙ сиратында, етәксе фиҙаҡәр хеҙмәте, эшмәкәрлеге арҡылы төйәгебеҙҙең абруйын, дәрәжәһен күтәргән, район-ҡала тормошонда, йәмәғәт эштәрендә ҙур әүҙемлек күрһәткән, иленә, атайсалына тоғро хеҙмәт иткән, рухи йәһәттән сәләмәт балалар тәрбиәләгән дан ҡатын-ҡыҙҙарға лайыҡлы баһалар тапшырҙы. Бына улар:

- 21-се мәктәптең физкультура уҡытыусыһы Луиза Салауат ҡыҙы Бикбаева менән 20-се мәктәптең башҡорт теле һәм әҙәбиәте уҡытыусыһы Зәйнәп Кинйәбай ҡыҙы Собханғолова - “Педагогик эшмәкәрлектәге ҡаҙаныштары өсөн иң яҡшы уҡытыусыларға премиялар биреү” конкурсы еңеүселәре Дипломдары;

- Елена Васильевна Устинова, мәғариф идаралығы методисы - Башҡортостан Республикаһы Мәғариф һәм фән министрлығының Почет грамотаһы;

- бишәр балаға ғүмер, тәрбиә биргән әсәйҙәр - Наилә Рәмил ҡыҙы Мәхмүтова (Сермән), Динара Харас ҡыҙы Исаева (Инйәр) - “Әсәлек даны” миҙалдары;

- Резеда Рифғәт ҡыҙы Сайдарова, шәхси эшҡыуар - мобилизацияланған һәм үҙ ирке менән ил алдында хәрби бурысын үтәгән граждандарға ярҙам күрһәткәне өсөн Башҡортостан Республикаһы Башлығының Рәхмәт хаты.

Күп йыллыҡ фиҙаҡәр һәм намыҫлы хеҙмәттәре өсөн муниципаль район хакимиәтенең Почет грамотаһы менән бүләкләнеүселәр:

- Наталья Васильевна Соловьева, “Водоканал” муниципаль унитар предприятиеһы диспетчеры;

- Елена Борисовна Язарова, “Водоканал” муниципаль унитар предприятиеһының таҙартыу ҡоролмалары цехы операторы;

- Ирина Ивановна Ситнова, Белорет үҙәк район клиник дауаханаһының эске сифат контроле бүлеге шәфҡәт туташы;

- Ольга Сергеевна Евстигнеева, Белорет үҙәк район клиник дауаханаһының икенсе эренле хирургия бүлегенең өлкән шәфҡәт туташы;

- Рәмилә Рәшит ҡыҙы Нәбиуллина, Николаевка ауылының әүҙем йәмәғәт эшмәкәре;

- Светлана Навратовна Латкина, Сермән балалар сәнғәт мәктәбе уҡытыусыһы;

- Лира Мозафар ҡыҙы Мәһәҙеева - Ғәбдөк төп белем биреү мәктәбе уҡытыусыһы, Йөйәк ауыл советы депутаты;

Муниципаль район хакимиәтенең Рәхмәт хаттары менән тәбрикләнеүселәр:

- Ирина Александровна Кириллова, “Бухгалтерия иҫәбе һәм финанс отчет биреү үҙәге” бүлеге начальнигы;

- Эльвира Александровна Ғәбиҙуллина, “Газпром Өфө газ бүлеү” йәмғиәте филиалы  бухгалтеры;

- Зөлфидә Рәүф ҡыҙы Мораҙымова, “Газпром Өфө газ бүлеү” йәмғиәте филиалының штукатур-маляры;

- Ольга Борисовна Чуряпина, Тирлән ауыл хакимиәтенең икенсе категория белгесе;

- Гөлнур Ҡадир ҡыҙы Йомабаева, шәхси эшҡыуар, әүҙем йәмәғәтсе;

- Наталья Николаевна Верховых, Белорет металлургия комбинаты волочильщигы;

- Татьяна Александровна Масленникова, 1-се мәктәптең математика уҡытыусыһы;

- Гөлнара Фәнил ҡыҙы Муллабаева, 3-сө мәктәптең математика уҡытыусыһы;

- Виктория Николаевна Веретина, ҡала биләмәһе хакимиәтенең төҙөкләндереү бүлеге белгесе;

- Айгөл Фәиз ҡыҙы Салауатова, шәхси эшҡыуар, Йөйәк ауылының әүҙем йәмәғәт эшмәкәре;

- Лидия Әхмәҙулла ҡыҙы Мағазова, шәхси эшҡыуар, крәҫтиән-фермер хужалығы башлығы;

- Лариса Валерьевна Пинящук, “Берҙәм дежур-диспетчер хеҙмәте”нең төп эшмәкәрлек белгесе;

- Ольга Николаевна Фәтҡуллина, “Берҙәм дежур-диспетчер хеҙмәте”нең оператив дежурныйы.

Ҡатын-ҡыҙҙар советы рәйесе Юлия Казанцева гүзәл заттарҙы яҙ байрамы менән ҡотлап, иң изге теләктәрен еткерҙе. Ә инде ҡала Мәҙәниәт һарайының ижади коллективтары, артистары ҡатнашлығындағы бай йөкмәткеле байрам концерты күңелдәргә дәрт-илһам өҫтәп, яҙ кәйефен бүләк итте.

Нәркәс СӨЛӘЙМӘНОВА.