Бәхәс бысаҡ менән тамамлана

Табиптар зыян күреүсегә ярҙам күрһәтә һәм тәртип һаҡсыларына хәбәр итә.

Тәфтиш-оператив төркөм ҡатынға бысаҡ менән тән йәрәхәттәре килтерелеүен асыҡлай. Енәйәт ҡылыуҙа зыян күреүсенең 54 йәшлек һеңлеһе ғәйепләнә. Яҡынса фараз буйынса, бәхетһеҙ көн кисендә ғәйепләнеүсе ағаһы һәм уның өйҙәшенә ҡунаҡҡа килә. Хужалар өҫтәл әҙерләй һәм компания спиртлы эсемлектәр ҡуллана башлай. Табын ваҡытында ҡатын-ҡыҙҙар араһында йорт хужабикәһенең бергә йәшәүсеһе тураһында насар һүҙ һөйләүе, ә һеңлеһенең дөйөм ер участкаһы өсөн бәхәстә уны яҡлауы арҡаһында бәхәс башлана. Ғәйепләнеүсе ғауғаның ҡыҙған ваҡытында өҫтәлдән бысаҡ алып, оппонентының күкрәгенә бер тапҡыр һуға. Инцидент ҡатнашыусылары ашығыс ярҙам һәм полиция саҡыра. Ҡатын дауаханаға оҙатыла.

Һөжүм итеүсе ҡулға алына, ул күрһәтмәләр бирә. Рәсәй Тәфтиш комитетының территориаль бүлексәһе тарафынан быға тиклем бер нисә тапҡыр хөкөм ителгән енәйәтсегә ҡарата үлтерергә маташыу тураһында енәйәт эше ҡуҙғатылған.

Рәсәй Эске эштәр министрлығының район буйынса бүлегенең енәйәт эҙләү хеҙмәткәрҙәре енәйәт эшен тикшереүҙе оператив оҙатып бара.

Гүзәл ДРОНОВА, район буйынса эске эштәр бүлеге хеҙмәткәре.