Йәнә мутлашыусылар тураһында

Ул социаль селтәрҙәрҙең береһендә еңел эш хаҡы тураһында иғлан тапҡанын һөйләй. Бары тик һылтанмалар буйынса күсеп, һайланған тауарҙарға тәҡдим ителгән тауарҙарҙы өҫтәү генә кәрәк була. Бындай тәҡдим уны шунда уҡ ҡыҙыҡһындыра һәм вакансияға яуап биреп, ҡатын эшләй башлай.

Ҡатын үҙ аҡсаһын сығарырға ҡарар иткәс, уға комиссия өсөн түләргә кәрәклеген аңлаталар. Бер ниндәй шикһеҙ ҡатын, еңел аҡсаны көтөп, төрлө суммаларҙы һала, әммә ул эшләп тапҡан аҡсаны күрмәй. Дөйөм алғанда, мутлашыусылар иҫәбенә 450 мең һум аҡса күсерелә.

Был факт буйынса Рәсәй Федерацияһының Енәйәт кодексының 159-сы статьяһының 3-сө өлөшө буйынса енәйәт эше ҡуҙғатылған.

Полиция иҫкәртә! Шәхси мәғлүмәттәрегеҙҙе һәм банк картаһы мәғлүмәттәрен бер кемгә лә хәбәр итмәгеҙ. Башҡа кешенең үтенесе буйынса бер ҡасан да билдәһеҙ иҫәпкә аҡса ебәрмәгеҙ. Һаҡ булығыҙ! Иҫегеҙҙә тотоғоҙ, аҡсағыҙҙың хәүефһеҙлеге һеҙҙең ҡулда!

Ксения СУЧКОВА, район буйынса эске эштәр бүлеге хеҙмәткәре.