Һүрәттәр конкурсында ҡатнаштылар

6-14 йәшлек йәш рәссамдар ата-әсәһенең эшенә үҙ ҡарашын һүрәттәре аша белдерҙе.

Хеҙмәткәрҙәрҙең балалары был конкурста үҙҙәрен ысын рәссамдар итеп күрһәтеп, ҙур теләк менән ҡатнашты. Балалар район-ҡалабыҙҙа тәртип һәм хәүефһеҙлек тәьмин итеүсе полиция хеҙмәткәрҙәренең ҡыйыу эштәрен һүрәтләне.

Был конкурс үҫеп килгән быуынға ата-әсәләренең эшенең мөһимлеге, яуаплылығы һәм ҡатмарлылығы темаһына күберәк үтеп инергә ярҙам итте. Шулай уҡ бындай йүнәлештәге конкурстар патриотизм, ғаилә ҡиммәттәре, яңы бейеклектәрҙе яуларға ынтылышты тәрбиәләй.

Һәр ҡатнашыусыға яңы еңеүҙәр һәм ижади ҡаҙаныштар теләйбеҙ!

Ксения СУЧКОВА, район буйынса эске эштәр бүлеге хеҙмәткәре.