Мутлашыусыларға - ике миллион һум

Өҫтәмә эш хаҡы менән илһамланған ҡатын “инвестициялар системаһына” үҙенең дуҫын йәлеп итә.

Рәсәй эске эштәр министрлығының район буйынса бүлегенә ике ҡатын мутлашыу тураһында ғариза менән мөрәжәғәт итә. 37 йәшлек ҡатын полиция хеҙмәткәрҙәренә сентябрь башында йәш кеше менән танышыуы хаҡында һөйләй. Ул ҡатынға еңел аҡса эшләү ысулын тәҡдим итә, килемдең йөҙ процентлы һәм бик тиҙ булыуын күрһәтә. Бындай тәҡдим уны ҡыҙыҡһындыра, һәм ҡатын махсус сайтта балансты тулыландырыу өсөн кредит ала. Ҡатын мутлашыусыларға дөйөм алғанда 150 мең һумдан ашыу аҡса күсерә. Баланс үҫкәс, ҡатын үҙенең ҡаҙаныштары тураһында әхирәте менән уртаҡлашырға ҡарар итә.

Шул саҡта уның 33 йәшлек әхирәте машина һатып алыу өсөн кисектерелгән бөтә аҡсаһын ала һәм шулай уҡ “эшләй” башлай. Әммә был уға етерлек түгел кеүек тойола һәм ҡатын да балансты тулыландырыу өсөн кредит алырға ҡарар итә. Ул мутлашыусыларға 720 мең һумдан ашыу аҡса күсерә.

Әхирәттәр бөтә аҡсаларын сығарырға ҡарар иткәндә, “остаз” менән хат алышыу юйылған, ә “инвестициялар” сайты ябыҡ булып сыға.

Был факт буйынса Рәсәй Федерацияһының Енәйәт кодексының 159-сы статьяһының 2-се өлөшө һәм 3-сө өлөшө буйынса енәйәт эштәре ҡуҙғатылған.

Полиция иҫкәртә! Хөрмәтле граждандар, таныш булмаған кешеләрҙең инвестицияларҙан тиҙ табыш алыу тураһындағы тәҡдимдәренә ышанмағыҙ. Ҙур һәм тиҙ аҡсаны тик мутлашыусылар ғына вәғәҙә итә. Аҡсағыҙҙы билдәһеҙ иҫәптәргә күсермәгеҙ, шәхси мәғлүмәттәрегеҙҙе өсөнсө кешеләргә еткермәгеҙ. Һеҙҙең хәүефһеҙлек - һеҙҙең ҡулда.

Ксения СУЧКОВА, район буйынса эске эштәр бүлеге хеҙмәткәре.