Иҫкәртеү эше дауам итә

Рәсәй Эске эштәр министрлығының район буйынса бүлегенең тәфтиш бүлеге начальнигы Ләйсән Кәшбиева белореттарға мутлашыуҙың көнүҙәк проблемаһы хаҡында һөйләне.

Ләйсән Мәүлит ҡыҙы Бөтә Рәсәй инвалидтар йәмғиәтенең Башҡортостан Республикаһы ойошмаһының Белорет филиалы коллективында булды һәм мәғлүмәт-коммуникация технологияларын файҙаланып ҡылынған енәйәттәр тураһында һөйләне. Ул ҡатнашыусыларға мутлашыусылар файҙаланған иң йыш схемалар тураһында мәғлүмәт еткерҙе. Мәҫәлән, төрлө ойошмалар хеҙмәткәрҙәре булып сығыш яһайҙар, йәки инвестициялар ярҙамында эш тәҡдим итәләр.

Ағымдағы йылдың 11 айында Белорет халҡы мутлашыусыларға 60 миллион һумдан ашыу аҡса күсергән һәм сумма көндән-көн арта ғына бара. Граждандар менән шәхси әңгәмәләр үткәреү - бындай енәйәттәрҙе иҫкәртеүҙә төп аҙымдарҙың береһе.

Шулай уҡ юл-транспорт ваҡиғаларын иҫкәртеү темаһы ла күтәрелде. Был айырыуса ҡышҡы осорҙа мөһим.

Әңгәмә барышында граждандар үҙҙәрен ҡыҙыҡһындырған һорауҙарҙы бирҙе, мөмкин тиклем күберәк белергә һәм мутлашыусылар ҡулына эләкмәү ысулдарын белде.

Ксения СУЧКОВА, район буйынса эске эштәр бүлеге хеҙмәткәре.

Автор: Расима Салихова

Читайте нас