Ғинуар ваҡиғалары

Район буйынса Дәүләт автоинспекцияһы хеҙмәткәрҙәре 710 административ хоҡуҡ боҙоу осрағын асыҡлаған һәм протокол төҙөгән (иҫерек килеш транспорт сараһы менән идара итеү - 23, ҡаршы һыҙатҡа сығыу - 38, ҡайышты эләктермәйенсә транспорт сараһы менән идара итеү - 103, водитель таныҡлығығыҙ идара итеү - 39, балаларҙы йөрөтөү ҡағиҙәләрен боҙоу - 19.

7 ғинуарҙа, Өфө - Инйәр - Белорет автомобиль юлында, “Тайота Королла” автомобиленең 26 йәшлек водителе Сермән ауылы эргәһендә руль менән идара итеү һәләтен юғалтып, ҡаршы юл һыҙатына сыға һәм “Лада Ларгус” менән бәрелешә. Юл-транспорт ваҡиғаһы һөҙөмтәһендә “Тайота” автомобиле водителе һәм “Ларгус”тың ике пассажиры ашығыс медицина ярҙамында травматология бүлегенә оҙатыла.

28 ғинуарҙа, ҡаланың Куприн урамындағы 6-сы йорт янында “Ауди Q7” еңел автомобиле рулендәге 1993 йылғы водитель Блюхер урамы яғынан хәрәкәт иткәндә, ҡаршы йүнәлештәге “Ваз 21102” автомобиле менән бәрелешә. Ҡулын һындырған ватан автомобиле водителе үҙәк район клиник дауаханаһына оҙатылған.

2025 йылдың 8 декабренән 2026 йылдың 31 майына тиклем Республика территорияһында балалар ҡатнашлығындағы юл-транспорт ваҡиғаларын иҫкәртеүгә, балалар үлемен һәм пассажир балаларҙың йәрәхәтләнеүен кәметеүгә йүнәлтелгән “Баланы һәләк итмә, ҡайышын эләктер!” акцияһы бара. 12 ай йомғаҡтары буйынса Республика юлдарында 16 йәшлек балалар ҡатнашлығында 366 юл-транспорт ваҡиғаһы теркәлгән, уларҙа 16 бала һәләк булған һәм 388-е төрлө тән йәрәхәттәре алған. Пассажир балалар ҡатнашлығында 146 юл-транспорт ваҡиғаһы булған, уларҙа 9 бала һәләк булған һәм 85-е төрлө имгәнеүҙәр алған.

Район буйынса Дәүләт автоинспекцияһы юл хәрәкәтендә ҡатнашыусыларға ағымдағы йылдың 9 ғинуарынан транспортта балаларҙы йөрөтөү ҡағиҙәләрен боҙған өсөн административ штрафтарҙың водителгә - 5 мең (элек - 3 мең), вазифалы кешеләргә - 50  мең (элек - 25 мең), юридик шәхестәргә - 200 мең һум (элек - 100 мең һум) булыуы хаҡында иҫкәртә.

Юлдарҙа имен йөрөгөҙ, ҡағиҙәләрҙе боҙмағыҙ!

 Айгөл ӘХМӘТЙӘНОВА,   полиция лейтенанты, юл хәрәкәте хәүефһеҙлеген пропагандалау буйынса инспектор.