Мутлашыусыларға тарымағыҙ!

Район буйынса эске эштәр бүлегенә күп ҡырлы мутлыҡ схемаһының ҡорбаны булған урындағы ҡатын мөрәжәғәт итә. Барыһы ла билдәһеҙ номерҙан шылтыратыуҙан башлана. Сымдың теге осонда сәскәләр килтереү хеҙмәте менән танышалар һәм ҡатынға букет килтереләсәге тураһында хәбәр итәләр. Һөйләшеү барышында уның телефонына “сәскәне илтеү өсөн” тәғәйенләнгән код килә һәм ул бер ниндәй шикләнеүһеҙ уны әңгәмәсеһенә хәбәр итә.

Бер аҙҙан мессенджерҙа ҡатындың “Дәүләт хеҙмәте хәүефһеҙлеге бүлеге” профиленән уның шәхси аккаунтына инеү теркәлгәнлеге һәм мутлашыусылар уның исеменән кредит алырға ғариза бирергә маташыуҙары  тураһында хәбәр килә. Ҡурҡып ҡалған ҡатын шунда уҡ күрһәтелгән номерға шылтырата. Бәйләнештең икенсе осонда ялған белгестәр уның шәхси кабинетын емергәндәренә, сит кешенең уның мөлкәте менән идара итеүгә һәм уның  аҡсаһын алыуға ышаныс ҡағыҙы рәсмиләштерелгәнлегенә ышандыра. Һаҡлыҡта ятҡан аҡсаһын һаҡлау өсөн уға “хәүефһеҙ иҫәпкә” күсерергә кәңәш итәләр.

Ҡатын өгөтләүҙәргә бирелеп, 1 800 000 һум аҡсаһын күсерергә маташа. Әммә мобиль банкында лимиттар ҡуйылғанлыҡтан, операция туҡтатыла һәм енәйәтселәр аҡсаны ала алмай.

Бәхеткә күрә, банк сикләүҙәре рәүешендәге финанс грамоталылығы һәм полицияға ваҡытында мөрәжәғәт итеүе ҡатынға ҙур сумманы юғалтыуҙан ҡотолорға ярҙам итә. Әле полиция мутлашыуға маташыу факты буйынса тикшереү үткәрә.

Полиция телефонға килгән кодтарҙы бер кемгә лә хәбәр итмәүегеҙҙе, уларҙы тик мутлашыусылар ғына һорауын иҫегеҙгә төшөрә.

Таныш булмаған номерҙан шылтыратҡанда, шунда уҡ һөйләшеүҙе туҡтатығыҙ. Әгәр  “Дәүләт хеҙмәтен” емереү йәки кредит алыу тураһында хәбәр итһәләр - күрһәтелгән һандарға шылтыратмағыҙ, ә рәсми ҡушымта йәки сайт аша мәғлүмәтте үҙегеҙ тикшерегеҙ. Шикле шылтыратыуҙар тураһында полицияға 102-се телефон аша хәбәр итегеҙ.

Хәтерегеҙҙә тотоғоҙ: һеҙҙең хәүефһеҙлек - һеҙҙең ҡулда! Уяу булығыҙ һәм яҡындарығыҙҙы был мутлыҡ схемаһы тураһында иҫкәртегеҙ.

Евгения Лисовская, район буйынса эске эштәр бүлеге хеҙмәткәре.