Хәүефһеҙлек тәүге урында

Ҙур магазин селтәрҙәренең береһе район буйынса эске эштәр бүлегенең пост-патруль хеҙмәте хеҙмәткәрҙәренә сауҙа нөктәләрендә ҡылынған енәйәттәрҙе асыҡлағанда юғары профессионализм һәм оперативлыҡ өсөн рәхмәт белдерҙе.

Берлектәге эш сиктәрендә мөһим күрһәткестәргә өлгәшелде. Әлеге ваҡытта 25 урлыҡ асыҡланған. Бынан тыш, хеҙмәткәрҙәр 100-ҙән ашыу административ протокол төҙөгән. Был эш сауҙа объекттарына яҡын территорияла хоҡуҡҡа ҡаршы ғәмәлдәрҙе туҡтатыуға һәм йәмәғәт тәртибен һаҡлауға йүнәлтелгән.                                                                                                 

Патруль хеҙмәткәрҙәренең эш һөҙөмтәлелеге системалы ҡараш һәм килгән сигналдарға оператив яуап биреү, шулай уҡ магазиндарҙы һаҡлау һәм магазиндар администрацияһы менән үҙ-ара килешеп эш итеүҙән тора.

Сауҙа селтәре етәкселеге пост-патруль хеҙмәте хеҙмәткәрҙәренең объекттарҙың хәүефһеҙлеген тәьмин итеүгә индергән өлөшөн юғары баһалай. Полицияның ваҡытында яуап биреүе персонал өсөн дә, ?атып алыусылар өсөн дә хәүефһеҙ мөхит булдыра, шулай уҡ сауҙа зоналарында криминоген көсөргәнешлекте кәметеүгә булышлыҡ итә.

Өлгәшелгән һөҙөмтәләр полиция һәм ҙур компаниялар вәкилдәренең йәмәғәт именлеген тәьмин итеү буйынса берлектәге эшенең һөҙөмтәлелеген раҫлай. Был йүнәлештә эш дауам итә.

Евгения ЛИСОВСКАЯ, район буйынса эске эштәр бүлеге хеҙмәткәре.