Наркотик һатырға маташҡан

Район буйынса эске эштәр бүлегенең наркотиктар әйләнешен контролдә тотоу бүлеге хеҙмәткәрҙәре ҡала кешеһен ҡулға алды. Тикшереү ваҡытында уның менән синтетик наркотик матдәләр булған өс пакет табыла.

Ике пакетта a-PVP (альфа-ПВП), өсөнсөһөндә N - метилэфедрон була. Тартып алынған матдәләрҙең дөйөм ауырлығы яҡынса 5 грамм тәшкил итә.

Ирҙе полиция бүлегенә алып киләләр, унда ул таныу күрһәтмәләре бирә. Уға ҡарата Рәсәй Енәйәт Кодексының 30-сы статьяһының 3-сө өлөшө, 228.1-се статьяһының 4-се өлөшөнөң «г» пункты буйынса (ҙур күләмдәге наркотикты законһыҙ һатырға маташыу) енәйәт эше ҡуҙғатылған.

Евгения ЛИСОВСКАЯ, район буйынса эске эштәр бүлеге хеҙмәткәре.