"Һайлауҙа һәр саҡ ҡатнашам"

Ҡаланың 8-се мәктәбендә урынлашҡан 1302-се һайлау участкаһында Сабир Шәрипов исемендәге "Иҙел башы" яҙыусылар ойошмаһы ағзаһы, "Урал" гәзитенең тоғро дуҫы Хәлиҙә Бакирова гражданлыҡ бурысын үтәне. - Һайлауҙарҙа совет осоро заманынан алып ҡатнашам һәм үҙ бурысымды үтәүгә етди ҡарайым. Бөгөн дә, тормош иптәшем менән илебеҙ өсөн мөһим булған сәйәси ваҡиғала ҡатнашып, тауышыбыҙҙы лайыҡлы кандидаттарға бирҙек. Рәсәйебеҙ, Башҡортостаныбыҙ киләсәктә лә гөрләп сәскә атһын, илебеҙҙә тыныслыҡ урынлашһын, - ти Хәлиҙә Динислам ҡыҙы.