Һаулыҡ һағында – 33 йыл

Ниндәй генә дәүерҙе алмайыҡ, табибтар, ауыл фельдшерҙары иңенә һәр ваҡыт ҙур яуаплылыҡ һалынды. Һуңғы ваҡытта аҡ халатлыларҙы йыш ҡына социаль селтәрҙәрҙә йәберләү, яла яғыу осраҡтары күбәйҙе. Әммә кешеләр һаулығы һағында тороусылар араһында намыҫлылары етерлек. Ауыл фельдшеры һәм шәфҡәт туташтары медицинаның иң алғы һыҙығында хеҙмәт итә. Улар иңенә әллә күпме эш һәм яуаплылыҡ һалынған. Ауыр шарттарға ҡарамай, фельдшерҙар тәүлек әйләнәһенә һәм йылдың теләһә ҡайһы миҙгелендә ауырыуҙарға ярҙамға ашыға. Был турала “Бәйләнештә” селтәрендә Әминә Мөхәмәтйәнованың Башҡортостан Башлығы вазифаһын ваҡытлыса башҡарыусы Радий Хәбировҡа яҙған хатында ла танышырға була.

Районыбыҙҙа ла кешеләр һаулығы һағында тороусы медицина хеҙмәткәрҙәре күп. Ундайҙар һәр ауылда тиерлек бар. Шуларҙың береһе Рәмзиә Һөнәрғолова.

Һәр кем өсөн иң ҡәҙерлеһе - ныҡлы һаулыҡ. Мулдаҡай фельдшер-акушерлыҡ пункты фельдшеры Рәмзиә Һөнәрғолова иң кәрәкле һөнәрҙәрҙең береһен һайлаған. Ауыл халҡы араһында күптән ихтирам яулаған. Һауа шарттарына ҡарамай, тәүлектең ниндәй генә ваҡытында мөрәжәғәт итмә, һәр саҡ ярҙам итергә әҙер ул. Рәмзиә Зиннәт ҡыҙы бына 33 йыл инде кеше һаулығы һағында. Хеҙмәт юлының 10 йылын Исҡушты ауылы халҡына бүлһә, 23 йылға яҡын Мулдаҡай ауылында эшләй.

Мулдаҡай фельдшер-акушерлыҡ пунктында 232 кеше иҫәпләнә. Медицина хеҙмәткәренең ҡарамағында мәктәп йәшендәге 36 бала. Мәктәпкәсә йәштәге 7 бала булһа, иң бәләкәй пациентына 5 ай ғына әле. Медпункт социаль-мәҙәни үҙәктең икенсе ҡатында урынлашҡан, һаулыҡ учреждениеһына бүленгән бүлмәләр иркен, мөмкинлектәр булдырылған. Сирлеләр һәр ваҡыт килеп уколын да ҡаҙата, дарыуын да ала.

- Һаулыҡ һаҡлау системаһында үҙгәрештәр булып тора, талаптар ҙа ҡаты. Яҡын киләсәктә ауыл фельдшер-акушерлыҡ пункты ла бер системаға һалыныр, юғары тиҙлекле Интернеты ла булыр, тип ышанабыҙ, - тине ауылдаштарының һаулығы һағында торған Рәмзиә Һөнәрғолова.

Читайте нас:

Телефон

Телефон редакции:8(34792) 3-06-69 (редактор), 8(34792) 3-14-89 (корреспонденты)

Электрон почта

[email protected]

Адресы

Республика Башкортостан, город Белорецк, ул. 50 лет Октября, 55/1

Реклама хеҙмәте

8(34792) 3-0-29

Редакция

8 (34792) 3-06-69

Хеҙмәттәшлек

8 (34792) 3-14-89

Кадрҙар бүлеге

8(34792)3-06-29