Бөтә яңылыҡтар
Замандаш
2 Ғинуар 2020, 18:00

Корпоратив бәләһе

Минең ѳсѳн Яңы йыл тѳнѳ мажараһыҙ үткәне юҡ. Был юлы ла кешесә ѳйҙә ҡаршылап булманы уны. Йылдағыса, эш һуңында коллегалар менән байрам итеп алабыҙ. Бер-ике рюмка ғына, тиһәң дә, барыбер башты томалай бит инде ул йәшел йылан.

Ығы-зығы арҡаһында, бүлмәмә инеп кейемемде алыштырғанда, мине тыштан бикләгән дә киткәндәр. Бѳтәһенә тиерлек шылтыратып бѳттѳм, береһе лә трубканы алмай. Ниһайәт, Яңы йылға 1 сәғәт ҡалғас, бер ҡатынға шылтырата алдым. Уныһы, машина юҡ, атлап бара алмайым, ти. Ахыры, такси менән кил дә, үҙем юл хаҡын түләйем, тигәс кенә риза булды. Быны ѳйѳнә алып барып, такси менән ѳйгә ҡайтып ингәндә куранттар һуға ине инде. Миңә ғаиләмде һаҡлап ҡалыр ѳсѳн күп кѳс түгергә тура килде. Шунан бирле «корпоратив» тигән һүҙҙе ишеткем дә килмәй.

Зөлфирә СӨЛӘЙМӘНОВА.

Читайте нас в