Бар шундай егеттәр...

Бала саҡтан уҡ үҙенә маҡсат ҡуйып, шуға мотлаҡ ирешеү өсөн бар тырышлығын һалған, белем алырға ынтылған, заман менән бергә атлаған, күңеленә оҡшаған һөнәр һайлап, яҡшы уҡып, эшләп йөрөгән егеттәребеҙ һәр саҡ һоҡланыу уята. Йәштәр өсөн хәҙер юл асыҡ, мөмкинлектәр күп. Теләһә, үҙе һайлаған уҡыу йортонда белем ала, теләһә, үҙ эшен аса. Улар яңы технологияларҙы ла тиҙ үҙләштерә, алған белемдәрен дә башҡалар менән ихлас уртаҡлаша. Шундайҙар рәтендә яҡташыбыҙ, Рысыҡай егете Сәлим Мәхмүтов та бар.

Аҡыллы, тыйнаҡ, сабыр, оҫта ҡуллы, ҡыҫҡаһы, һәр яҡлап та уңған егет - Башҡорт дәүләт университетының Сибай филиалы «Транспорт - технологик машиналары һәм комплекс-
тарҙы эксплуатациялау» факультетының IV курс студенты.
Республикабыҙҙы һанлы телевидениеға уңышлы күсеүҙә студент-ирекмән ҙур тырышлыҡ һалды. Ҡоролмаларҙы көйләүгә заявкаларҙың иң күбе Сәлимдеке булды. Уның оло йәштәгеләргә изгелекле, ихлас мөнәсәбәттә булыуы, телевизорҙарын көйләп, һанлы тапшырыуҙарҙы ҡабул итеүсе махсус приставкаға тоташтырып, каналдарын рәтләп биреүе һәм оҫталығы, етеҙлеге иғтибарһыҙ ҡалманы. Ул Башҡортостан Республикаһының 90 иң яҡшы “Һанлы волонтер” исемлегенә инеп, республика Башлығының Рәхмәт хаты менән бүләкләнде.
Бөгөн иһә Сәлим тағы бер шатлыҡ кисерә: ул Рәсәй Федерацияһы Хөкүмәте стипендиаты. Түбәндә Сәлим Мәхмүтов менән әңгәмә.

► Сәлим, райондаштар һинең шатлығыңды ишетеп, ҡотлауҙар яуҙыра. Артабан да уңыштар теләй. Беҙ ҙә һине ихлас ҡотлайбыҙ. Үҙеңде етенсе күк ҡатында кеүек тояһыңдыр инде.

Сәлим Мәхмүтов тураһында материалды гәзитебеҙҙең 96-сы һанында (01.12.20) уҡығыҙ.

Читайте нас:

Телефон

Телефон редакции:8(34792) 3-06-69 (редактор), 8(34792) 3-14-89 (корреспонденты)

Электрон почта

[email protected]

Адресы

Республика Башкортостан, город Белорецк, ул. 50 лет Октября, 55/1

Реклама хеҙмәте

8(34792) 3-0-29

Редакция

8 (34792) 3-06-69

Хеҙмәттәшлек

8 (34792) 3-14-89

Кадрҙар бүлеге

8(34792)3-06-29