Бөтә яңылыҡтар
Замандаш
5 Февраль 2021, 13:30

Йөрәктән йөрәктәргә етте

Йөйәк мәктәбендә Яныбай Хамматов исемендәге премия лауреаты, Мәхмүт Ҡашғари исемендәге V Халыҡ-ара хикәйәләр бәйгеһенең Башҡортостанда үткән төбәк өлөшө еңеүсеһе, йәш әҙибә Әлиә Саматованың ижадына арналған “Йөрәгемдән йөрәктәргә” тип аталған әҙәби осрашыу үтте. Унда Сабир Шәрипов исемендәге “Иҙел башы” ойошмаһы ағзалары Мансур Һиҙиәтов, Ринат Шәйбәков һәм V-VIII класс уҡыусылары ҡатнашты.

Мәктәп директоры Венер Вәхит улы Сибәғәтуллин сараны асыҡ тип иғлан иткәндән һуң, мәктәп һәм ауыл китапханасылары - Әминә Салауатова менән Динә Солтанова ойошторған йәмле лә, йәнле лә сара уҡыусыларҙың музыкаль сығышынан башланып китте. Саҡырылған ҡунаҡтар менән танышып сыҡҡас, Әлиә Марс ҡыҙының тормош юлына байҡау яһалды. Автор “Кәкүк” повесының, “Аҡйөрәк”, “Уртаҡ яҙмыш”, “Тел асҡысы”, “Тел биҫтәһе”, “Тел оҫтаһы”, “Өлөш барҙа үлеш бар”, “Бөркөт”, “Баҫҡыста”, “Уйын” хикәйәләренең яҙылыу тарихы, ҡулына ҡәләм алырға нимә этәреүе, ижад итеү уның өсөн күңел талабы булып тороуы тураһында һөйләне, уҡыусыларҙың уның хикәйәләренә арнап төшөрөлгән һүрәттәре менән таныштырҙы...
Мәҡәләнең тулы варианты гәзиттең 11-се һанында.
Читайте нас: