Нәркәс Сиражетдинованан татлы бәлеш рецебы

Башҡорт эстрадаһы күгендәге иң сағыу йондоҙҙарҙың береһе, талантлы, нәзәкәтле Инйәр һылыуы Нәркәс Сиражетдинованың һәләк уңған, өлгөр хужабикә булыуын күптәрегеҙ беләлер, моғайын. Зауыҡлы донъяһын гөл итеп тотҡан, ғаиләһен көн дә тиерлек үҙе бешергән тәмлекәстәр менән ҡыуандырған, баҡса үҫтерергә яратҡан, ҡош-ҡорттары, бесәйҙәре менән гөж килгән һөйкөмлө яҡташыбыҙҙы күптәр уның социаль селтәрҙәге сәхифәләре аша күҙәтеп бара. Бөгөн йырсыбыҙ яратып бешергән тәмлекәсте һеҙгә лә тәҡдим итергә булдыҡ.

Ҡаймаҡлы татлы бәлеш

1 ҡап аҡ майҙы 300 грам он менән ыуып, 1 сәй ҡалағы ҡабартҡыс, тоҙ, 1 йомортҡа, 0,5 стакан шәкәр ҡомо һалырға һәм йомшаҡ ҡына итеп ҡамыр баҫырға кәрәк. Эслек әҙерләгәнсе ҡамырҙы һыуытҡысҡа һалып тороғоҙ.

Шыйыҡ эслек өсөн 400 гр ҡаймаҡ, 0,5 стакан шәкәр ҡомо, 3 йомортҡа, 1 аш ҡалағы крахмал йә он кәрәгер. Һыуытҡыстан ҡамырҙы алып, формаға йәйеп һалырға һәм өҫтөнә шыйыҡ эслекте ҡойоп, төрлө емеш-еләк менән биҙәргә мөмкин.

Бәлеш 180 градусҡаса ҡыҙған мейестә 40-50 минут самаһы бешә. Сәйҙәрегеҙ тәмле булһын!

Автор:Нэркэс Сулейманова

Читайте нас:

Новости партнеров

Был стипендия кемдәргә түләнә?

На уровне молекул

Азык-төлеккә талон системасы кертелергә мөмкин

Телефон

Телефон редакции:8(34792) 3-06-69 (редактор), 8(34792) 3-14-89 (корреспонденты)

Электрон почта

[email protected]

Адресы