Бөтә яңылыҡтар
Социаль өлкә
10 Декабрь 2021, 13:05

Яңы йылдан капиталь ремонт өсөн түләү арта

Башҡортостанда капиталь ремонтҡа иғәнә күләме арттырыла, тип хәбәр итте республика Торлаҡ-коммуналь хужалыҡ министрлығының матбуғат хеҙмәте.

Яңы йылдан капиталь ремонт өсөн түләү арта
Яңы йылдан капиталь ремонт өсөн түләү арта

Ведомство мәғлүмәттәре буйынса, 2022 йылдың 1 ғинуарынан алты ҡатҡа тиклемге күп фатирлы йорттарҙа капиталь ремонтҡа иғәнәнең минималь күләме квадрат метрына – 7,46 һум, алты ҡаттан бейегерәк йорттарҙа 8,10 һум була.

Быйыл алты ҡатҡа тиклемге йорттарҙа капиталь ремонтҡа иғәнәнең минималь күләме бер квадрат метрына – 7,18 һум, ә  алты ҡаттан бейегерәк йорттарҙа фатир хужалары өсөн 7,8 һум тәшкил итә.

Башҡортостанда милекселәрҙең айырым категориялары компенсация алырға хоҡуҡлы. Улар – яңғыҙ пенсионерҙар һәм 70 йәштән өлкәнерәк ғаилә ағзалары, бер ғаиләнән пенсионерҙар һәм инвалидтар, шулай уҡ федераль льготалылар категорияһы (хеҙмәт ветерандары; сәйәси репрессияларҙың аҡланған ҡорбандары; тыныс ваҡытта һәләк булғандарҙың ғаилә ағзалары; беренсе һәм икенсе төркөм инвалидтары; инвалид бала тәрбиәләгән ғаиләләр; Бөйөк Ватан һуғышы инвалидтары һәм ҡатнашыусылары; хәрби бәрелештәр инвалидтары һәм башҡалар). Ләкин бурыстары булмаған граждандар ғына компенсацияға хоҡуғы бар. Компенсация алыу өсөн халыҡты социаль яҡлау органдарына мөрәжәғәт итергә кәрәк.

Автор:Эльвира Хамзина
Читайте нас: