Льготалы ипотека ставкаһы арттырылды

«Президент менән кәңәшмәлә ипотека программаларына ҡағылышлы мәсьәләләр ҙә тикшерелде. Дәүләт башлығының ҡушыуы буйынса льготалы ипотека программаһы буйынса максималь ставка йылына 12% менән билдәләнде. Тейешле ҡарарға ҡул ҡуйылды», — тип белдерҙе Мишустин санкциялар шарттарында иҡтисадтың тотороҡлоғон арттырыу буйынса хоҡуҡ комиссияһы президиумы ултырышында.

23 мартта Рәсәй президенты Владимир Путин хөкүмәттең льготалы ипотека ставкаһын 12% тиклем (элек 7% ине) күтәреү идеяһын хупланы. Дәүләт башлығы фекеренсә, бындай осраҡта ла ул баҙарҙағыға ҡарағанда күпкә түбәнерәк була.

14 мартта вице-премьер Марат Хөснуллин Рәсәй хөкүмәтенең дәүләт ярҙамы менән ипотека программаларының бер өлөшөн һаҡлап ҡалырға йыйыныуы, ләкин ҡайһы берҙәре буйынса процент ставкаһының артыу ихтималлығы хаҡында һөйләне. Был осраҡта кредиттың максималь суммаһы ла арта.