Башҡортостан Башлығы муниципаль хеҙмәткәрҙәрҙе урындағы үҙидара көнө менән ҡотланы

Бөгөн 20 мең муниципаль хеҙмәткәр, депутаттар, Башҡортостандың муниципаль учреждениелары һәм предприятиелары хеҙмәткәрҙәре урындағы үҙидара көнөн билдәләй.

Башҡортостан Башлығы Радий Хәбиров уларҙы ошо байрам менән ҡотлап, муниципаль хеҙмәткәрҙәргә намыҫлы хеҙмәте, һөнәри оҫталығы, яуаплылығы, ышаныслылығы һәм илһөйәрлеге өсөн рәхмәт белдерҙе. Уның һүҙҙәренсә, уларҙың ныҡышмалылығы, муниципаль хеҙмәткә тоғролоғо, инициатива күрһәтеүе бик күп мөһим проекттарҙы бойомға ашырырға, район-ҡалаларҙа йәшәүселәрҙе борсоған проблемаларҙы хәл итергә, тормошто яҡшыртырға, йәмләргә булыша.

«Беҙ төрлө ауырлыҡтарға һәм һынауҙарға берҙәмлек һәм компетентлыҡ менән яуап бирәбеҙ. Бергәләп грамоталы планлаштырырға, аҡсаны һәм ресурстарҙы дөрөҫ бүлергә, эштең бөтә этаптарын аныҡ итеп ойошторорға һәм контролдә тоторға өйрәнәбеҙ. Ил тормошондағы әлеге ҡатмарлы этапты уңышлы үтербеҙ, кәрәкле һөҙөмтәгә өлгәшербеҙ тип ышанам. Алға табан барырбыҙ! Һеҙгә ныҡлы һаулыҡ, именлек, яуаплы хеҙмәтегеҙҙә яңы ҡаҙаныштар теләйем! Уңыштарға шатланып эшләгеҙ, дуҫтар. Урындағы үҙидара көнө менән һеҙҙе», — тиелә Башҡортостан Башлығы ҡотлауында.

Автор:Эльвира Хамзина

Читайте нас:

Об использовании персональных данных

Телефон

Телефон редакции:8(34792) 3-06-69 (редактор), 8(34792) 3-14-89 (корреспонденты)

Электрон почта

[email protected]

Адресы

Республика Башкортостан, город Белорецк, ул. 50 лет Октября, 55/1

Реклама хеҙмәте

8(34792) 3-0-29

Редакция

8 (34792) 3-06-69

Хеҙмәттәшлек

8 (34792) 3-14-89

Кадрҙар бүлеге

8(34792)3-06-29