Өс аҙна ваҡыт бар

Ләкин республика халҡының яңы тулҡынға әҙерләнеү һәм вакцина яһатыу өсөн ваҡыты бар, тип билдәләне Анна Казак.

Башҡортостандың һаулыҡ һаҡлау министры Айрат Рәхмәтуллин белдереүенсә, бөгөнгә республикала коронавирус инфекцияһына бәйле хәл тотороҡло ғына. 1 авгусҡа мәғлүмәттәр буйынса, 108 пациент – стационарҙа, 363-ө амбулатор шарттарҙа дауалана. Республикала инфекцияның таралыу коэффициенты 1,3 тәшкил итә. Һуңғы ете көндә үҫеш – 26 процент.

Башҡортостан башлығы Радий Хәбиров республиканың Һаулыҡ һаҡлау министрлығына 29 августа вакцинация һәм ревакцинация барышы тураһында мәғлүмәт бирергә ҡушты.