Республикала коронавирустан бер кеше вафат булған

Был турала республиканың Һаулыҡ һаҡлау министрлығы хәбәр итте.

Хәҙерге ваҡытта 185 пациент, шул иҫәптән 60 йәштән өлкән 129 кеше стационарҙа дауалана. Ете кеше ауыр хәлдә, бер пациент үпкәне яһалма елләтеү аппараты менән тын алырға мәжбүр. Ә 966 кеше амбулатор шарттарҙа дауалана, уларҙың 305-е – ололар.

Һуңғы тәүлектә 55 кеше һауығып сыҡҡан. Коронавирустан бер үлем осрағы теркәлгән.

Тәүлек эсендә 13 дауахананан тыш пневмония асыҡланған, 11 пациент һауыҡҡан.

Башҡортостанда уҙған тәүлектә 13 897 кеше прививка яһатҡан. Вакцинаны ҡабаттан эшләткәндәр – 755 508 кеше.