Яңы йыл төнөндә 14 сабый тыуған

“Сабый 2023 йылдың 1 ғинуарында 00.40 сәғәттә республикабыҙҙа тәүгеләрҙән булып тыуған.

Ҡыҙ һау-сәләмәт, 3240 грамм тарта, буй оҙонлоғо 51 сантиметр. Республиканың перинаталь үҙәгендә донъяға килгән. 

Ҡыҙҙың ата-әсәһе – Нефтекаманан Айгөл һәм Денис Боковтар. Өлкән улдарына 3,5 йәш.

Яңы йыл төнөндә Башҡортостанда бөтәһе 14 сабый – һигеҙ малай һәм алты ҡыҙ тыуған”, – тип бүлеште үҙенең сәхифәһендә республика Башлығы Радий Хәбиров.