Радий Хәбиров билдәләүенсә, Өфөнән Минскиға тура авиарейстар – принципиаль мәсьәлә.
«Башҡортостан менән Беларусь араһында тығыҙ, партнерлыҡ мөнәсәбәттәре урынлаштырылды, – тине ул. – Беҙ сауҙа, сәнәғәт, мәҙәниәт, туризм өлкәһендә ныҡлы бәйләнештәр булдырҙыҡ. Уларҙы артабан да үҫтерергә теләйбеҙ. Июнь айында Өфөлә ике ил төбәктәренең форумы быға тағы ла бер етди этәргес булыр тип көтәбеҙ».
Рейстар аҙнаһына бер тапҡыр, дүшәмбе көнөндә башҡарыла. Юлдағы ваҡыт – өс сәғәт. Билеттар һатыуға сығарылған да инде, тип өҫтәне Радий Хәбиров.
https://www.bashinform.ru/news/economy/2023-02-07/glava-bashkirii-anonsiroval-pryamye-aviareysy-ufa-minsk-3133698