ЮХХДИ оҙайлы ялдарҙа рейдтар хаҡында иҫкәртте

«Төп бурыс - юл-транспорт ваҡиғаларына, транспорт менән иҫерек килеш идара итеү факттарына юл ҡуймау», - тип яҙҙы республиканың баш дәүләт автоинспекторы Владимир Севастьянов үҙенең телеграм-каналында.

Башҡортостан буйынса Эске эштәр министрлығында мәғлүмәт ҡабул итеү өсөн тәүлек әйләнәһенә ҡыҙыу линия телефоны эшләй: 8(347) 279-32-92, ҡыҫҡа номер 128.

Күрһәтелгән номерға шылтыратып, юлда иҫерек водителдәрҙең йәки йәйәүлеләрҙең юл хәрәкәте ҡағиҙәләрен тупаҫ боҙоу осраҡтары тураһында хәбәр итергә мөмкин.