Һәр уҡыусы үҙенең ата-әсәһе, өләсәләре менән урыҫ, башҡорт, татар милли аҙыҡтарын – ватрушкалар, ҡоймаҡтар, төрлө эслек менән пирогтар һәм бөйөрөктәр, ләүәштәр, сәк-сәк, өсмөйөш, татыу ғаилә, кеҫәл, ҡыҫтыбый, туҡмас һәм башҡа бик күп ризыҡтар бешереп килтерҙеләр. Ә IX класс уҡыусыларының ата-әсәләре бишбармаҡ әҙерләп алып килде.
Кулинария флешмобы уҡыусыларҙа ла, ата-әсәләрҙә лә милли ризыҡтарҙы әҙерләүгә һәм халыҡ традицияларын һаҡлап ҡалыуға ҙур ҡыҙыҡһыныу уятты.
Мәктәп ашнаҡсыһы Рәзилә Иштимер ҡыҙы ла флешмобта теләп ҡатнашты. Ә инде сара һуңында балалар әҙерләп килтерелгән милли ризыҡтарҙан ауыҙ иттеләр һәм бик ҡәнәғәт ҡалдылар. “Минең милли ризығым” кулинария флешмобын уҙғарыуҙа әүҙем ҡатнашҡан ата-әсәләргә һәм уҡыусыларға рәхмәт һүҙҙәрен еткерәбеҙ һәм һәр саҡ шулай берҙәм, әүҙем булып ҡалыуҙарын теләйбеҙ.
Елена Төхвәтуллина,
Үҙәнбаш мәктәбе уҡытыусыһы.