Йәмғиәттә ҡатын-ҡыҙ роле

Бында район хакимиәте тарафынан "Айыҡ ауыл" конкурсының муниципаль этабы финалсылары бүләкләнде.  Быйыл республика конкурсының муниципаль этабында I урынды Инйәр ауыл хакимиәте яуланы. II һәм III урындарҙы Тимер юл һәм Ишле ауылдары бүлеште.
Инйәр ауыл  хакимиәтенең район Мәҙәниәт йорто хеҙмәткәрҙәре менән берлектә ойошторолған “Zа ней” ҡатын-ҡыҙҙар клубы проектына ярашлы төрлө тренингтар, оҫталыҡ дәрестәре үткәрелә, шулай уҡ психологик һәм юридик ярҙам күрһәтелә. Айырыуса иғтибар хәрби хеҙмәткәрҙәрҙең әсәләренә һәм ҡатындарына, туғандарына, шул иҫәптән бала тәрбиәләүҙә махсус ярҙам программаларына биреләсәк. Был йәһәттән Инйәр төбәгендә эш башланған да инде.  

Семинар-кәңәшмәлә презентацияланған “Инйәр-тур” проекты туристик һәм транзит пассажирҙарына хеҙмәттәрен күрһәтергә әҙер булған шәхси эшҡыуарҙар, үҙмәшғүлдәр һәм физик шәхестәрҙең мәғлүмәт базаһын йыйыуҙы күҙ уңында тота.  Уларға сайт булдырыу, социаль селтәрҙәрҙә бөтә туристик хеҙмәттәрҙең тулы тасуирламаһы һәм контакт мәғлүмәттәре менән биттәр булдырыу, транзит пассажирҙары күп йөрөгән урындарҙа: юл буйы сервисы учреждениеларында, "Инйәр" тимер юл станцияһында маршруттарҙың, хеҙмәттәрҙең һәм контакттарҙың тулы тасуирламаһы (баннерҙар, буклеттар, сувенирҙар һәм башҡалар) менән мәғлүмәт стендтарын урынлаштырыу бурысы ҡуйылған..

Көнсығыш "Ғаилә" үҙәге директоры Юлиә Казанцева етәкселегендәге команда
махсус хәрби операцияла ҡатнашыусыларҙың ғаиләләренең ялын ойоштороуға һәм психологик ярҙамға йүнәлтелгән "Үҙебеҙҙекеләр менән туризм" проектын тәҡдим итте. Стендта Белорет, Әбйәлил һәм Бөрйән райондары биләмәләре буйынса маршруттарҙың методик материалдары һәм интерактив картаһы тәҡдим ителде.
Район мәҙәниәт йорто фойеһында биҙәү-ҡулланма сәнғәте, кейеҙҙән изделиелар, келәм туҡыу, эпоксид ыҫмаланан изделиелар, декоратив косметика, умартасылыҡ продукцияһы, ротангтан кашпо, эфир майҙары, ҡул эштәре һабын, күкрәксә-кулондар (селтер) һәм башҡа күп нәмәләр йәрминкәһе ойошторолдо.

"Ғаилә" үҙәге, Халыҡ мәшғүллеге үҙәге, "Ватанды һаҡлаусылар" махсус хәрби ойошмаһы ҡатнашыусыларына ярҙам фонды координаторҙары, Белорет һәм Межгорье ҡалалары, Белорет һәм Бөрйән райондары буйынса хәрби комиссариат, "Ҡатын-ҡыҙҙар советы" йәмәғәт ойошмалары менән үҙ-ара килешеп эш итеү буйынса майҙансыҡтар эшләне. Патриотик тәрбиә биреү буйынса "Рәсәй ғорурлығы - уның улдары" тигән зона булдырылды.